金童破最年輕入球紀錄 拜仁創64場有波入

20210411
東網電視
更多新聞短片
穆斯亞拿(右)代表拜仁已累計攻入了四球。(Getty Images)
《英超刨績王》加強版,最強數據一網打盡:http://win.on.cc/football/ 
拜仁慕尼黑缺咗射手羅拔利雲度夫斯基果然戰力減弱,周六深夜主場面對柏林聯,上半場無一次射正,好彩仲有湯馬士梅拿,佢下半場奮力助攻,交畀穆斯亞拿射入,保持住拜仁喺德甲連續入球嘅新紀錄。
在德甲排名榜領先嘅拜仁今仗與柏林聯打成1比1平手,68分鐘湯馬士梅拿嘅助攻,穆斯亞拿窄位扣過後衞左腳推射入網,射入佢個人喺德甲嘅第四個入波,以18歲零1個月成為代表拜仁喺德甲攻入4球嘅最年輕球員。同時亦為拜仁創下連續64場正式比賽有波入嘅德甲新紀錄。
至於梅拿連續四輪喺德甲貢獻助攻,今季已經有16次,在歐洲五大聯賽至少領先其他球員3次,當中包括哈利卡尼(13次),繼續衝擊佢自己保持嘅歐洲五大聯賽單季助攻嘅紀錄。
拜仁今仗袋走1分,以65分仍然排名德甲榜首,與次位嘅RB萊比錫有5分嘅距離;不過,陣中嘅傷兵數目又再增加,羅拔利雲度夫斯基同幾位主場已經因傷缺陣,而今仗京士利高文及入波功臣穆斯亞拿先後受傷被換出,主帥費歷克賽後透露二人傷情不算嚴重,穆斯亞拿只是抽筋而已。