球王級水平震驚全人類！阿仙奴要簽連格

韓職開鑼，即上《韓職刨績王》：https://win.on.cc/football/league/kd1/index.html　

今年英超「人氣王」連格喺周日(11日)晚英超，又有出色表現，個人梅開二度，協助韋斯咸以3比2擊敗李斯特城，同屬倫敦球隊嘅阿仙奴亦感受到「連球王」嘅氣場，計劃今夏向曼聯收購呢位28歲英格蘭國腳。

英國《太陽報》、《倫敦足球》等傳媒都指阿仙奴早於1月已經有興趣借用連格，但因為曼聯唔想喺季中將佢外借畀爭前4位嘅主要對手，最終去咗韋斯咸。

連格為韋斯咸上陣9場，射入8球及3次助攻，令阿仙奴下定決心，今夏用真金白銀收購呢位中場。由於連格將於2022年夏天約滿，紅魔鬼亦唔可以吊高來賣，只要兵工廠出價合理，曼聯應該會出售連格，估計佢身價達3,000萬鎊。