曼市打吡打到澳職？曼聯計劃收購中岸水手

《英超刨績王》加強版，最強數據一網打盡：http://win.on.cc/football/　

澳洲媒體近日報道，英超勁旅曼聯正同澳職「1哥」中岸水手進行斟介，有意收購呢間財困球會，如果成事嘅話，將會同另一間由曼城控制嘅球會墨爾本城打對台，喺澳職上演另類「曼市打吡」。

澳洲著名報章《悉尼晨驅報》報道，曼聯正同中岸水手班主查爾斯禾夫進行連串商討，希望買入呢間球會部份股份，將佢變成曼聯嘅「姊妹」球隊，而且曼聯更打算將中岸水手基地由戈斯福德搬去大城市悉尼。雖然報道未有確實投資金額，但形容價錢對於富豪球會曼聯嚟講只係「九牛一毛」，但收購仍需要得到澳職賽會以及其他球隊投票通過。

中岸水手同曼聯早有淵源，前曼聯助教費倫喺2018年就曾出任中岸水手總監。英超豪門收購澳職球會亦早有先例，曼城喺2014年就曾經用1,100萬美元收購墨爾本雄心8成股份，之後再用225萬美元買埋剩低2成股份，球隊亦改名叫墨爾本城。