樹大招風！伊巴去餐廳堂食涉違防疫禁令

足球博彩神器，每日重心提供盡在《彩報》：http://win.on.cc/football/　

瑞典球星伊巴謙莫域，39歲之齡仍然在比賽滿場飛，頂得又射得，當然成為公眾焦點，但人紅就是非多，繼早前展示獅子皮被動物組織指責之後，近日被拍到佢同友人喺米蘭去餐廳食飯，涉嫌違反封鎖規定。

上星期伊巴喺意甲做咗「紅牌阿姑」領紅出場，最近又成為意大利媒體嘅頭條人物，被拍攝到佢跟朋友聚餐嘅相片，相中佢無戴口罩，餐枱上仲有幾隻酒杯。

按照封鎖規定，餐廳喺唔可以開放堂食，而啱啱過去嘅周日係米蘭所在嘅倫巴第地區及其他幾個疫情統計數目有改善嘅地區，獲解封嘅最後一日。