名宿爆費歷克季尾走人 拜仁王朝瓦解?

20210414
東網電視
更多新聞短片
(Getty Images)
日職開鑼,即上《日職刨績王》:https://win.on.cc/football/league/jleague/index.html 
拜仁慕尼黑衞冕歐聯失敗之後,面臨改朝換代,德國名宿馬圖斯爆料,指拜仁教練費歷克將於今季結束之後離隊,跳槽執教德國國家隊。
馬圖斯喺電視台評述歐聯8強次回合PSG大戰拜仁期間爆料,話費歷克即將離任,佢話:「我相信下季費歷克唔會再係拜仁嘅教練,德國足總一直想聘請佢執教國家隊,德甲煞科戰對奧格斯堡,將會係費歷克最後1場帶領拜仁比賽。」
費歷克被傳媒問到去留問題時,佢話做任何決定都會得到家人支持,似乎暗示有離開拜仁嘅可能。
56歲嘅費歷克原本擔任拜仁助教,2019年11月接替被炒嘅尼高高華,成為主帥,並帶領拜仁創出超卓成績,一口氣奪得德甲、德國盃、德超盃、歐聯、歐超盃、世冠盃,成為六冠王。
德國主帥勒夫早前已經宣布將於今夏歐國盃決賽周之後離任,費歷克曾於2006至14年擔任德國國家隊助教,自然成為新帥熱門人選。如果佢真係離開拜仁,轉投國家隊,拜仁又要另覓新帥,可能會進入一段動盪時期,甚至重現尼高高華執教時期嘅低迷日子。