阿仙奴成敗關鍵　靠格列沙加客串左閘

最強博彩盤路過關神器《串績王》：http://win.on.cc/football/　

阿仙奴上場英超以3比0大勝錫菲聯，近15場比賽首次冇失波，領隊阿迪達出奇招，用防守中場格列沙加客串踢左後衞，效果非常好，「達Sir」計劃今季餘下賽事都由呢位瑞士國腳鎮守左路，兵工廠能否殺入歐霸盃4強，甚至捧走冠軍，格列沙加將發揮關鍵作用。

阿仙奴左閘基蘭泰亞尼喺英超對利物浦，整傷左腳膝部韌帶，阿迪達透露呢位蘇格蘭好可能提早收咧，歐霸盃8強首回合對布拉格斯拉維亞，阿迪達用薛迪索拉斯踢左後衞，但效果未如理想，上場英超改由格列沙加客串踢左後衞，阿迪達就話好滿意：「格列沙加踢左後衞非常出色，為我提供另一種選擇，基蘭泰亞尼可能會缺陣今季餘下賽事，左後衞位置需要其他人選，格列沙加係其中之一。」

格列沙加踢法魯莽，以往踢中場，不時犯錯，連累球隊失波，亦經常食牌，佢客串左閘，可以注專邊路工作，兼顧少咗，的確比較適合佢，或者可以為格列沙加搵到事業新發展方向。