皇馬隊巴遇襲　利物浦有手尾跟

日職開鑼，即上《日職刨績王》：https://win.on.cc/football/league/jleague/index.html　

周四(15日)凌晨歐聯8強次回合，皇馬隊巴前往晏菲路球場途中，遭利物浦球迷掟石襲擊，導致1個車窗玻璃破碎，幸好冇人受傷，但事件已引起當局關注，呢班足球流氓隨時連累利物浦被歐洲足協處罰。

根據西班牙《馬卡報》爆料，當時皇馬職球員乘坐隊巴前往球場，喺晏菲路球場附近，遭人掟石襲擊，車窗破碎出現一大塊破損，好彩冇造成傷亡。

事發後利物浦發言人譴責有關行為可恥，並向皇馬道歉，紅軍亦會配合英國警方調查，捉拿施襲者。由於今場屬於利物浦主場賽事，事件可能會連累紅軍被歐洲足協處罰，球隊最後仲出局，可以話係雙失。