阿仙奴孤注一擲 有前冇後

20210415
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
歐霸8強次回合生死戰,布拉格斯拉維亞主場同阿仙奴再續前緣。首回合各一言和,斯拉維亞搶到一個作客入波,阿仙奴為出線冇得坐以待斃,一定要搶攻,加上佢哋歐霸客場入得又失得,2.5球嘅大盤值博。(Now 644、有線661及601台周五凌晨3時直播)
阿仙奴首回合主場出擊表現勁hea,完場前靠後備入替嘅尼高拉斯比比建功領先,以為可以絕殺對手,點知補時階段被斯拉維亞扳平1比1,若果今仗互交白卷,斯拉維亞就會憑較多作客入球晉級,意味阿仙奴今仗一定要爭取入球。
「兵工廠」進攻中場馬田奧迪加特繼續因傷缺陣,好彩伊美路維同布卡約沙卡經已康復,今仗可望候命,隊長奧巴美揚首回合只係後備落場,上仗聯賽贏錫菲聯亦冇披甲,抖到夠打硬仗,連同拿卡錫迪及比比,主帥阿迪達大把進攻籌碼可用。
布拉格斯拉維亞反擊煞食
斯拉維亞淘汰賽接連將李斯特城同格拉斯哥流浪踢出局,充滿說服力,而且首回合多番反擊甚具威脅,搞到阿仙奴防線風聲鶴唳,今仗相信有更多空間打突擊。何況阿仙奴近15仗正式賽事,只得1場冇失波,防線絕對靠唔住,唔計中立場打和賓菲加,「兵工廠」近4仗歐霸客場全部開3球或以上,捧大更佳。