歐聯、歐霸有望上演全英決賽

足球博彩神器，每日重心提供盡在《彩報》：http://win.on.cc/football/　

今屆歐聯、歐霸盃4強都已誕生，英超繼續成為歐洲球壇最大勢力，兩項賽事嘅4場準決賽，全部都有英超球隊參加，有機會繼2019年之後，再一次上演歐聯、歐霸「全英決賽」好戲！

歐聯兩場4強賽事，分別係皇家馬德里對車路士、巴黎聖日耳門對曼城，如果車路士同曼城都能夠擊敗強敵晉級，就會係史上第3次歐聯決賽上演英超內訌；歐霸盃4強亦有阿仙奴鬥維拉利爾、曼聯大戰羅馬，意味曼城對車路士(歐聯決賽)、阿仙奴對曼聯(歐霸盃決賽)呢兩個決賽組合仍然有機會出現。

同一屆歐聯同歐霸盃決賽4隊由同一國家/地區球隊包辦，歷史上只係出現過1次，而且仲係冇幾耐之前嘅2019年，當年歐聯決賽利物浦擊敗熱刺封王，而車路士就喺歐霸盃決賽贏阿仙奴奪冠。