打比郡3連敗就嚟降班　朗尼被轟唔識教波

足球博彩神器，每日重心提供盡在《彩報》：http://win.on.cc/football/　

今年1月宣布掛靴，正式轉型做領隊嘅英格蘭傳奇前鋒朗尼，執教生涯開局似乎唔多順利，打比郡周六(17日)凌晨英冠作客1比2輸畀布力般流浪，聯賽3連敗後排喺尾4，極有可能會落得降班收場，朗尼亦受到一眾球迷批評唔識教波。

朗尼1月中正式獨掌帥印後，曾經有過短暫蜜月期，但球隊好快打回原形，近11場聯賽只係贏過1場，最近連輸3仗後依家排尾4，只係比尾3嘅洛達咸多4分，但係就踢多對手3場，如果計失分已經係降班區之內。

朗尼賽前表示100%肯定打比郡唔會降班，不過輸埋畀布力般流浪後，大批球迷怒轟朗尼唔識教波：「佢只係企喺場邊扮嬲，完全冇任何計劃」、「搵個新丁領隊季中接手係自殺式行為」、「就算打比郡護級成功，朗尼都只係個食名氣嘅唔合格教頭」。