皇馬4個「非賣品」　阿仙奴好頭痕

足球博彩神器，每日重心提供盡在《彩報》：http://win.on.cc/football/　

皇家馬德里準備夏天重金收購買人，艾寧夏蘭特、基利安麥巴比等新世代球王成為目標，「銀河艦隊」亦準備賣走部份球員籌集資金。據西班牙《馬卡報》爆料，皇馬套現之餘亦唔係個個都可以賣，球會已定出4位「非賣品」，當中包括依家外借阿仙奴嘅馬田奧迪加特。

馬田奧迪加特喺冬季轉會窗外借到阿仙奴後，迅即成為球隊主力，表現亦大獲好評，阿仙奴當然希望將佢收歸旗下，不過《馬卡報》指皇馬對該位挪威國腳同樣寄以厚望，佢同雲尼斯奧斯祖利亞、洛迪高高斯同費達歷高華維迪4位年輕球員，已被列為「非賣品」，皇馬希望以佢哋為核心建隊。

消息指皇馬想清走其他瘀血，包括加里夫巴利、艾斯高、馬些路等高薪球員，盧卡祖域、奧迪奧蘇拿同馬里安奴戴亞斯等邊緣球員亦會優先被賣走。