巴塞大勝捧西盃!美斯狂破紀錄

20210418
東網電視
更多新聞短片
(Getty Images)
足球博彩神器,每日重心提供盡在《彩報》:http://win.on.cc/football/ 
周日(18日)凌晨西班牙盃決賽,巴塞隆拿以4比0大勝畢爾包,奪得冠軍,打破721日錦標荒。巴塞球王美斯今場梅開二度,成為西盃創立118年以來,首位7屆決賽入波嘅球員,同時亦成為呢項賽事決賽累積入波最多嘅球員。
巴塞隆拿開波5分鐘幾乎入波,法蘭基迪莊射門中柱彈出,其後畢爾包中場丹尼卡利路禁區內犯手球,但球證冇吹罰12碼,巴塞上半場未能入波,的確比較唔抵。
換邊之後,巴塞發動閃電戰,12分鐘內連入4球,先係60分鐘法蘭基迪莊右路傳中,基沙文近門射入。3分鐘後,佐迪艾巴左路傳中,法蘭基迪莊飛頂入網。
68分鐘,美斯射成3比0,呢位阿根廷國腳連續13季入波「30+」,僅過4分鐘,美斯再撞射入網,送夠4隻蛋畀畢爾包。
美斯今場創下多個紀錄,包括成為西盃史上首位7屆決賽入波嘅球員,佢喺西盃決賽累積入球增至9球,成為決賽累積入波最多嘅球員,同時成為1950年以來,首位喺西盃決賽4分鐘入2球嘅球員。
同埋美斯、布斯基斯、碧基球員生涯第7次捧西盃,亦平咗賽事紀錄。主帥朗奴高文首季執教巴塞隆拿,就有盃捧,並結束自己12年錦標荒。
至於畢爾包就慘,繼4月初喺上屆西盃決賽補賽,不敵皇家蘇斯達之後,今場又輸畀巴塞,兩星期錯失兩次奪冠機會。