【計計數】一種情況！曼聯可反超曼城

最強博彩盤路過關神器《串績王》：http://win.on.cc/football/　

英超第2位曼聯落後緊榜首曼城11分，但踢少1場，如果想反超前「藍月亮」，奇迹奪得冠軍，紅魔鬼就必須餘下7場聯賽全勝，加上曼城餘下6場失最少9分。雖然機會非常渺茫，但曼聯主帥蘇斯克查表明，仍然未放棄奪冠希望。

蘇斯克查話：「我哋當然唔會放棄，曼聯從來唔會，永遠都唔會放棄，球隊曾經遇過好多挫折，但都有好多反敗為勝嘅例子，呢種就係我哋嘅DNA，今季或者未必可以捧英超，因為曼城表現穩定，好難期望佢哋最後6場聯賽輸3場，但我哋都要做好自己，每場都要踢好佢，強勢完成球季。」

曼聯比曼城踢少1場，紅魔鬼只要周日(18日)晚主場擊敗般尼，就可以拉近至8分距離。不過，曼聯最後6場聯賽對手比較惡啃，包括列斯聯、利物浦、阿士東維拉、李斯特城、富咸、狼隊。

至於曼城餘下6場聯賽對手，包括阿士東維拉、水晶宮、車路士、紐卡素、白禮頓、愛華頓。