【歐超聯】PSG冇加入原因竟然係咁

2021年04月19日 22:03
東網電視
更多新聞短片
(Getty Images)
足球博彩神器,每日重心提供盡在《彩報》:http://win.on.cc/football/ 
今屆歐聯4強份子有3隊宣布參加新成立嘅歐超聯,唯獨巴黎聖日耳門冇表態,更可能唔會參加,背後原因頗複雜,美國《紐約時報》報道,除咗政治同財政因素,PSG主席艾卡理化本身就係歐洲足協高層,而佢旗下傳媒集團beIN Media Group正是歐聯及各大聯賽轉播商,身份頗尷尬。
歐超聯始創球會暫時有12隊,歐聯4強份子就有曼城、車路士同皇家馬德里加入,創辦方正極力拉攏巴黎聖日耳門、拜仁慕尼黑同多蒙特參加,而加入球隊將面臨歐洲足協重罰,據報歐洲足協將會重罰各隊合共500至600億歐元(約4680至5600億港元),相關球會仲要被降至第5級別聯賽。
面對歐洲足協嚴懲,各隊似乎都企硬,但拜仁、多蒙特都唔想放棄德甲同歐聯,多蒙特其後更宣布唔會參加,而聖日耳門態度就更曖昧,事關聖日耳門主席艾卡理化本人就係歐洲足協董事,加入歐超聯即係自己打自己。
至於佢旗下嘅傳媒集團,總部位於卡塔爾嘅電視網絡,係歐聯及各大聯賽嘅主要轉播商,除非歐超聯都判埋畀佢播,否則艾卡理化冇理由放低自己盤生意,佢參加人哋搞嘅比賽。
依家歐聯4強有3隊加入歐超聯,今屆歐聯仲踢唔踢都未知,如果其他3隊被罰取消資格,聖日耳門就有可能自動成為今屆歐聯冠軍,所以佢哋呢個時候都唔會出聲住,睇定啲先算。