【歐超聯】閃電崩潰!英超Big6宣布退賽

2021年04月21日 07:37
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
引起滿城風雨嘅歐洲超級聯賽(歐超聯),周一(19日)宣布成立後即面對群眾壓力,短短2日內宣告崩潰,12支「創辦球會」當中嘅英超Big6(曼聯、利物浦、阿仙奴、曼城、車路士、熱刺),周三(21日)齊齊發表聲明宣布退賽,據報其他球會亦可能陸續跪低,歐超聯計劃將會「夭折」。
自歐超聯宣布成立後,球圈人士均作出聲討,「Big6」嘅球迷亦群起抗議,就連有份參與嘅球員同領隊都持反對意見,喺龐大壓力之下,歐超聯12豪門周三緊急召開Zoom會議,結果曼城率先表示決定退賽,車路士隨後搶先發表退賽聲明,其餘4支球隊幾分鐘後亦陸續加入。
歐洲足協主席施費林對於英超6隊「回頭是岸」表示歡迎:「佢哋終於決定返番嚟大隊,依家最重要嘅係讓事情過去,大家重新團結。」據報國際米蘭、AC米蘭亦都準備退出;歐超聯隨後發出聲明,表示喺6支英超球會「被逼」退賽後,歐超聯將會暫停,並更改比賽模式繼續進行,歐超聯強調賽事完全合乎歐盟規例,唔應該受到第3方影響。