阿仙奴出售比利連　雙「巴」爭住要

美職開鑼，即上《美職刨績王》：https://win.on.cc/football/league/mls/index.html　

英國傳媒爆料，指阿仙奴計劃今夏出售比利連，只要有球會出到2,200萬鎊轉會費，就可以帶走呢位26歲右後衞，據悉巴塞隆拿同巴黎聖日耳門(PSG)都有興趣收購比利連。

比利連2011年由巴塞隆拿青年軍，加盟阿仙奴青年軍，一直效力至今，但近年上陣機會減少，不時傳出會被兵工廠放棄。比利連將於2023年約滿，阿仙奴計劃提早出售佢，籌集資金畀領隊阿迪達今夏買人。

由於比利連出身於巴塞隆拿青年軍，呢支西甲勁旅有意搵佢回巢，至於巴黎聖日耳門欠缺一位正宗右閘，經常要用踢中場出身嘅費奧倫斯司職右後衞，加上呢位意大利國腳屬於羅馬借將，今夏好可能返回羅馬，PSG簽入比利連，可以填補空缺。