阿仙奴球迷激烈示威 「問吊」高安基公仔

20210424
東網電視
更多新聞短片
最強博彩盤路過關神器《串績王》:http://win.on.cc/football/ 
阿仙奴日前宣布成為歐超聯12支創辦球會,雖然2日後即刻退出,但球迷怒火仍未平息,周六(24日)凌晨主場對愛華頓聯賽前,過千球迷去到酋長球場外進行抗議,訴求係要美國班主高安基下台,有人更整咗個高安基公仔出嚟「問吊」,示威後期開始出現失控,有球迷因此受傷,要警察出嚟平息場面。
英超6隊面對嘅抗議行動中,以阿仙奴今次規模最龐大,過千球迷聚集酋長球場外拉起各式橫額,全部都係要高安基落台,部份示威者更點起紅色煙霧,又計劃阻止阿仙奴隊巴進入球場,不過阿仙奴球員今場提早到達而令行動失敗。喺球場外嘅一條柱上,有球迷更掛上高安基嘅公仔「問吊」,以示對呢位班主嘅反感。
示威後期開始出現失控,有部份人爬上售票亭嘅頂部,據報有球迷頭部受傷同斷腳,要由擔架床抬走,眼見場面失控,警察亦要出動制止失控球迷。