阿古路接班人！曼城簽入17歲巴西新星

最強博彩盤路過關神器《串績王》：http://win.on.cc/football/　

曼城透過官方Twitter宣布，落實簽入巴甲球隊富明尼斯嘅17歲天才球員卡基，據悉轉會費為1000萬鎊，將會簽約5年。呢位巴西「神童」可以勝任翼鋒及前鋒，被指踢法似尼馬，相信曼城有意將卡基打造成阿古路嘅接班人。

曼城、利物浦、薩克達之前都睇中卡基，最後由「藍月亮」捷足先登簽入佢，不過卡基仍然會為富明尼斯踢完今年賽事，先至正式轉投曼城，情況就好似曼城2016年夏天宣布簽入巴西國腳加比爾捷西斯，但等到2017年1月先至歸隊，預料卡基可能都要明年1月先至會為曼城披甲。

身高1米75嘅卡基係左腳球員，但慣踢右路，切入中間射門，同埋擅長個人盤扭突破，因而有「新尼馬」之稱，佢至今為富明尼斯一隊上陣10次射入3球。卡基加盟曼城之後，可以同加比爾捷西斯合組森巴鋒線，將來可以填補阿古路離隊後嘅位置。