馬古尼鬧費特係「死白痴」　蘇B咁回應

最強博彩盤路過關神器《串績王》：http://win.on.cc/football/　

曼聯喺周日(25日)英超作客0比0悶和列斯聯，成場波戰情頗為平淡，最大話題就落喺哈利馬古尼同費特洛迪古斯身上。呢場比賽去到72分鐘嗰陣，哈利馬古尼同費特洛迪古斯就企位問題出現爭執，身為隊長嘅哈利馬古尼，竟然大聲辱罵費特迪洛古斯係「死白痴」(Fxxking Idiot)，聽到球迷都O晒嘴。

曼聯領隊蘇斯克查賽後被問到呢件事，佢就大耍太極解釋：「我哋呢班球員對彼此都有好高要求，無論係比賽定係訓練，個水平都定得好高，踢波唔係只係做好好先生咁簡單。今仗下半場列斯聯幾乎冇任何威脅，只係我哋差少少火花未能贏波。」

哈利馬古尼賽後亦有受訪，但就絕口不提鬧人事件：「比賽好緊湊，我哋控制戰局但入唔到波，我哋將對手威脅降到最低，防守得好好，球隊只係搵唔到打開缺口嘅入球。」