尼馬自爆同PSG續約 隨時搶埋美斯拍住上 

20210428
東網電視
更多新聞短片
(Getty Images)
《串績王》新登場,最強博彩盤路過關神器:http://win.on.cc/football/ 
尼馬同巴黎聖日耳門(PSG)嘅合約喺明年6月到期,過去一直有傳呢位巴西球星會離開,雖然目前雙方仍未續約,但尼馬自爆已經傾得七七八八,續約接近完成。
PSG已經打入歐聯四強,佢哋上年攞亞軍,今年當然要向冠軍進發,而尼馬都希望可以成功捧盃,如果真係成功同PSG續約,相信球迷會好開心。另方面,有消息指PSG已經向巴塞隆拿出手搶阿根廷球王美斯,成功的話又可以同尼馬拍住上。
據《世界體育報》頭條報道,PSG已向美斯開出一份2+1嘅合約,其中薪金待遇都係巴塞無得揮,而且仲用埋PSG嘅球隊成績嚟誘惑美斯,畢竟聖日耳門上屆殺入歐聯決賽,今屆又已躋身四強,絕對「配」得起美斯。
美斯同巴塞嘅合約到今夏結束,但美斯家陣只想專注一件事,就係幫巴塞爭西甲冠軍。