射穿牆!馬列斯撻Q罰球錯有錯着

20210429
東網電視
更多新聞短片
美職開鑼,即上《美職刨績王》:https://win.on.cc/football/league/mls/index.html 
巴黎聖日耳門(PSG)半場領先下被曼城反敗為勝,下半場兩個失球都係後防犯下低級錯誤,第1球係門將基羅拿華斯判斷錯誤,第2球就因為防守罰球嘅人牆穿大窿,結果被馬列斯嘅射門直接穿過,搞到PSG教練普捷天奴賽後大發雷霆。
下半場曼城禁區頂拎到罰球,原本所有人都以為奇雲迪布尼會操刀,不過馬列斯就自動請纓,結果呢位阿爾及利亞球星射出一記冇角度、冇力度嘅波,但偏偏就射穿「中門大開」嘅人牆,殺基羅拿華斯一個措手不及。呢球亦係基羅拿華斯歐聯生涯,第一次被罰球直接攻陷。
馬列斯賽後承認入波有運:「我原本係想彎過人牆,但係撻咗Q,好幸運個波係兩個球員中間射入。班捷文文迪前1日話我會用罰球入波,我諗上帝聽到佢嘅禱告,所以送咗呢個入波畀我。」前曼城球星尼史葛都話:「呢個罰球其實射得好差,但里安度柏利迪斯同派斯奴甘佩比本能反應咁避開,個波根本唔應該去到龍門。」
PSG教練普捷天奴賽後亦鬧爆防守失誤:「兩個失球都係意外,我好失望,喺歐聯4強出現呢啲失誤係唔可以接受,可惜事實係出現咗。」