哈利卡尼：渴望捧盃　唔想掛靴後乜都冇

《串績王》新登場，最強博彩盤路過關神器：http://win.on.cc/football/　

熱刺前鋒哈利卡尼日前出席本年度倫敦足球頒獎禮，佢當選為最佳球員，接過獎座後講感想，佢就話：「渴望捧盃，唔想自己掛靴後乜都冇」此言一出，唔少傳媒解讀為離隊宣言。

呢個頒獎禮在英聯盃決賽之後幾日舉辦，熱刺剛在決賽0比1輸畀曼城，痛失冠軍，孫興民泣不成聲嘅畫面仍歷歷在目，哈利卡尼雖然獲得年度最佳球員，但內心仍然唔好受。

佢發表得獎感受時表示：「呢啲個人榮譽非常好，但當我生涯尾聲回顧時，我最想得到嘅係冠軍獎盃，現時我嘅目標就係贏取冠軍，聯賽盃決賽我哋未能做到，依家攞到個人獎項，呢種感覺係憂喜參半，我好自豪得到年度最佳。」

哈利卡尼在熱刺上陣329次，射入217球及46次助攻，但未攞過冠軍，英超、歐聯及英聯盃只得亞軍，多間傳媒認為，哈利卡尼要實現捧盃夢，似乎離開熱刺，轉投車路士曼聯或曼城等球會更容易達成。