車路士4000萬鎊放售譚仔　維拉接貨

美職開鑼，即上《美職刨績王》：https://win.on.cc/football/league/mls/index.html　

英格蘭年輕射手譚美阿巴謙近年受車路士大力栽培，逐漸成長，不過自從車仔季中換帥，杜曹入主球隊後，譚仔上陣機會大減，近日更有消息傳出打算將佢放售，叫價4000萬鎊(約4.32億港元)，阿士東維拉有興趣接貨。

23歲嘅譚仔係車路士自家青訓產品，為咗栽培佢成長，近年先後外借到布里斯托城、史雲斯同阿士東維拉，2018至19年協助維拉由英冠升上英超，上陣40場攻入26球，深受維拉球迷擁戴。

譚仔回巢後獲得時任主帥林柏特重用，過兩季上陣機會甚多，在車仔累積上陣81場入30球，不過自從林柏特被炒，杜曹接手後，譚仔淪為後備，僅上陣4場，現在會方打算將佢掛牌出售，開價4000萬鎊。

維拉希望收購呢位升班功臣，不過以該隊財力，可能要講吓價先得。