【官宣】朗奴高文停賽2場　巴塞大鑊了

美職開鑼，即上《美職刨績王》：https://win.on.cc/football/league/mls/index.html　

巴塞隆拿上場西甲不敵CF格蘭納達之餘，仲有教練朗奴高文因為鬧第4旁證，被出示紅牌趕出場。西班牙足總正式宣布，判罰呢位荷蘭名帥停賽2場，意味佢將無法親自指揮周一(3日)凌晨西甲作客華倫西亞，以及下周六(8日)晚主場對榜首馬德里體育會。

巴塞隆拿上場被對手扳平1比1嘅時候，朗奴高文向第4旁球證作出抗議，期間涉嫌出言不遜，結果被逐離場。賽後朗奴高文聲稱自己冇向第4旁講過任何唔禮貌說話，反而係對方回答時好冇禮貌。

朗奴高文一時衝動，最終蝕底都係自己，佢停賽嘅2場比賽，第1場對手華倫西亞狀態比較差，應該難唔到巴塞，但之後硬撼馬體會，就有危機，一旦巴塞輸咗呢場爭標「6分波」，捧盃機會肯定大減。