沙拿:冇人同我傾續約

20210501
東網電視
更多新聞短片
(Getty Images)
足球博彩神器,每日重心提供盡在《彩報》:http://win.on.cc/football/ 
埃及王牌穆罕默德沙拿同利物浦合約將於2023年屆滿,但沙拿表示,到目前為止,紅軍仲未有聲氣同佢展開續約談判,唔通真係由得佢走?
近年唔止一次沙拿同西甲兩大豪門皇馬同巴塞傳出緋聞,沙拿本人亦唔排除轉會想法,不過佢都好享受幫利物浦先贏歐聯、再奪英超嘅日子,疫情爆發後,皇馬巴塞挖角聲音消失,但利物浦方面亦未實際行動,似乎唔急同佢續約。
其實沙拿唔止一次發表類似言論,今年初佢曾表示,我嘅未來由球會決定,只要我仍在利物浦,我都會付出100%,不過將來嘅事冇人知,或者將來有一日我會到西甲發展。」
沙拿在利物浦效力4年,上陣198場射入123球,明年將進入合約年,之後一季可以自由身同其他球會接觸,利物浦想留住沙拿、高價放售,定係任由佢約滿自由身離隊,至今未有答案。