曼聯開出終極人工　普巴再唔續約就賣

足球博彩神器，每日重心提供盡在《彩報》：http://win.on.cc/football/　

英國《鏡報》爆料，指曼聯計劃5月內同中場球星保羅普巴展開續約談判，紅魔鬼願意向呢位28歲法國國腳提供一份40萬鎊周薪嘅新合約，如果佢唔接受，就會喺今夏出售佢，以免普巴明年夏天自由身離隊，令球會人財兩失。

此前有傳保羅普巴要求50萬鎊周薪，先至肯續約，但曼聯管理層認為呢個數額太高，無法接受，最多只會畀佢40萬鎊周薪。

由於保羅普巴只剩下1年合約，會方必須向佢「晒冷」，如果普巴仍然唔肯續約，惟有果斷將佢賣走，起碼可以套現一筆資金，收購新球員補充實力。

保羅普巴2016年由祖雲達斯重投曼聯，當時轉會費達8,900萬鎊，但佢一直以來表現備受批評，上季英超僅上陣16次入1球，雖然今季表現有改善，但始終同高昂身價不成正比，就算曼聯今夏出售佢，應該都要蝕錢。