樂做曼城秘密武器 阿古路連銅像都唔要?

20210503
東網電視
更多新聞短片
美職開鑼,即上《美職刨績王》:https://win.on.cc/football/league/mls/index.html 
曼城傳奇前鋒阿古路季尾將會離隊,呢位32歲射手今季雖然一直受傷患困擾,不過近期已經全面康復,上場聯賽更加為曼城入波,領隊哥迪奧拿表示嚟緊歐聯4強次回合對巴黎聖日耳門(PSG),阿古路或會成為秘密武器!
阿古路上場對水晶宮入波後表示:「我終於有得踢啦!我一直都做好準備,膝頭傷勢已經冇事,只係等待機會出現,我希望可以喺歐聯上陣,但就算冇得踢都唔緊要,我想同隊友喺埋一齊,就睇下領隊點決定。」哥迪奧拿就回應:「我再次展示自己嘅能力,好開心佢完全康復,如果有需要,佢會係我哋爭入歐聯決賽嘅其中一件武器。」
曼城早前宣布會為阿古路建銅像,不過呢位前鋒就話:「當曼城同我講會咁做(興建銅像),老實講我唔需要得到任何嘢,只係希望為球會踢到最後,如果曼城之後想為我做啲嘢,我會好感激,但呢個係曼城嘅決定,唔係我嘅要求。」