法國《隊報》:曼城搶麥巴比 稱霸地球

2021年05月03日 20:01
東網電視
更多新聞短片
(Getty Images)
足球博彩神器,每日重心提供盡在《彩報》:http://win.on.cc/football/ 
歐聯4強次回合大戰曼城對巴黎聖日耳門賽前,法國《隊報》爆料,曼城將會加入爭奪基利安麥巴比行列,據報曼城最大優勢係財力壓過皇馬,而球隊實力早已稱霸英超,今屆歐聯奪冠亦有優勢,有足夠條件吸引麥巴比加盟。
報道指,曼城要簽下麥巴比,必須拿出超越尼馬嘅2.22億歐元破世界紀錄轉會費巨額資金,曼城喺財力方面絕無問題,而曼城現時陣容亦係眾星雲集,上仗英超出副選陣容都照贏波,如果再由麥巴比取代即將離隊嘅阿古路,曼城陣容將會繼續強大,橫掃英超之外,問鼎歐聯成數亦大增。
麥巴比一直想去皇馬,目標係攞金球獎及世界足球先生,為此已經4度拒絕聖日耳門續約以及3000萬歐元年薪,合約尚餘最後1年,聖日耳門今夏勢必將佢出售。
曼城早於麥巴比未紅前已曾與其接觸,2015至16球季佢仲未去摩納哥,曼城已經斟過佢,2016至17球季曼城哥迪奧拿同佢面談,但麥巴比選擇加盟聖日耳門,今次係曼城第3次斟麥巴比,相信亦係最有機會嘅一次。