帕爾馬5連敗　提早篤定降班

美職開鑼，即上《美職刨績王》：https://win.on.cc/football/league/mls/index.html　

周二(4日)凌晨意甲護級大戰，帕爾馬作客以0比1不敵拖連奴，遭遇5連敗，更加提早4輪聯賽篤定降班，下季意乙見。

今場唯一入球喺63分鐘出現，拖連奴老將安沙迪左路傳中，由路積禾達射入。帕爾馬落後之下，唔止缺乏反擊力，更加幾乎再失波，其中拖連奴前鋒比洛迪入波，被吹越位，呢位意大利國腳仲有1次射門中柱唔入，最終拖連奴維持贏1比0。

帕爾馬輸波之後，已經落後尾4卡利亞里12分，由於對賽成績比較差，肯定無法超越卡利亞里，提早宣布同包尾嘅克羅托內一齊降班。

至於拖連奴贏波之後，領先尾3賓尼雲圖3分，兼踢少1場，稍為舒緩降班壓力。