摩連奴想返意甲搵食　成祖記新帥大熱

最強博彩盤路過關神器《串績王》：http://win.on.cc/football/　

祖雲達斯衞冕意甲失敗之後，教練派路九成九將於季尾執包袱，盛傳會方有意聘請摩連奴執教，「寸王」亦放風話樂意重返意甲，甚至唔介意執教前度球會國際米蘭嘅競爭對手，擺明想問鼎祖記帥位。

意大利傳媒指，阿里基、施蒙尼恩沙基、施丹、摩連奴都係祖記目標人物，其中阿里基、摩連奴冇教職在身，比較大機會加盟祖雲達斯。

摩連奴接受訪問時，對於重返意甲深感興趣：「我執教國際米蘭時期，成為三冠王，有一種特殊感情，但如果有一日我有機會返回意甲，執教1支國米嘅競爭對手，我會毫不猶豫考慮，我會用專業態度對待事情。」前國際米蘭班主莫拉堤亦話歡迎摩連奴再戰意甲。

一旦摩連奴成為祖記新帥，意味佢又可以同葡萄牙同胞C朗合作，但兩人喺效力皇馬時期，曾經傳出不和，似乎對祖記唔係一件好事。