全球關注！示威收視勝阿仙奴熱刺

《串績王》新登場，最強博彩盤路過關神器：http://win.on.cc/football/　

周日英超「雙紅會」未能舉行，但電視一樣有直播，只係電視畫面變成球迷示威抗議嘅直播新聞片段，多位前英超球星繼續發表意見，結果呢一日嘅收視高達140萬觀眾，比同日阿仙奴作客紐卡素以及熱刺主場對錫菲聯更高。

其實就算唔係示威，曼聯對利物浦嘅「雙紅會」戲碼，收視都肯定高過其餘兩場，不過呢日賽事取消，變成球迷示威抗議，電視畫面就繼續影住，球迷高舉反對格拉沙家族標語同口號，曼聯名宿加利仔公然認同球迷行動，喺看台同球迷碰拳。

當日奧脫福現場都好熱鬧，球迷拎走英超用足球、角球旗，又爬上龍門架上自拍，仲喺龍門口前重現朗尼嘅「倒掛金鈎」。整個事件，當地警方公布有6名警員受傷，1名球迷被捕。