C朗美斯動向簡報：兩個都唔走！

足球博彩神器，每日重心提供盡在《彩報》：http://win.on.cc/football/　

歐洲傳媒周二(4日)報道兩大巨星C朗拿度及美斯未來動向，內容大致係兩位巨星今夏都放棄轉會，打算繼續留在各自所屬球會祖雲達斯同巴塞隆拿，來季佢兩個繼續留喺意甲同西甲。

先講C朗，意大利一個電視節目報道，C朗今夏唔會提前離隊，希望履行合約至2022年約滿，報道指：「C朗重返皇馬只係假設，而曼聯亦唔願意畀咁多錢，C朗無法離開祖雲達斯，仲有嘅係個人原因以及贊助商等事項。」報道指C朗會留在祖記至約滿，然後重返母會士砵亭踢多2年收山。

美斯方面，ESPN一個電視節目報道美斯將與巴塞續約2年，同時巴塞仲會回購尼馬，報道指，雖然美斯未有就未來表態，但留隊幾成定局。

另有報道指，美斯周一(3日)訓練結束後，召集全部隊友到自家豪宅BBQ，為嚟緊周六嘅西甲榜首戰對馬德里體育會進行誓師，不過有消息指美斯此舉涉嫌違反防疫禁令，面臨被票控。