杜曹受夠啦!迪姆華拿加錢換夏蘭特
最強博彩盤路過關神器《串績王》:http://win.on.cc/football/ 
車路士前鋒迪姆華拿今季表現飽受批評,佢嘅把握力更成為球迷笑柄,雖然呢位德國前鋒喺助攻同其他方面都交到功課,不過領隊杜曹就表明所有球隊都需要「20球前鋒」,暗指迪姆華拿表現未如預期。傳聞車路士正計劃用迪姆華拿作為籌碼,希望用呢位前鋒再加錢收購多蒙特前鋒艾寧夏蘭特。
迪姆華拿喺歐聯4強首回合對皇家馬德里門前失機,再度成為球迷批評目標,杜曹日前被問到係咪想簽艾寧夏蘭特,杜曹就話:「世界上冇一個領隊唔想簽『20球前鋒』,我只係會嫌唔夠多,如果你可以保證個球員一定做到(1季入20球)。迪姆華拿都曾經係『20球、30球前鋒』,但佢依家陷入生涯第1次低潮。」
據網站《Football Insider》報道,車路士斟介艾寧夏蘭特嘅行動,將會加入迪姆華拿作為交易條件,迪姆華拿目前身價錢5,000萬鎊,將可以大幅填補艾寧夏蘭特嘅高昂轉會費,而多蒙特亦可以得到一位已喺德甲證明自己實力嘅前鋒頂替,可能會係個「雙贏」結局。