港超聯 爭做神射手!「子彈」:要靠領隊貝可泓

20210505
東網電視
更多新聞短片
(林卓臻攝)
周三(5日)港超聯榜下游大戰,由冠忠南區於香港仔運動場,主場迎戰晉峰。冠忠南區最終憑「子彈」夏志明連中三元,以及佐佐木周的十二碼,4比1大勝而回,賽後暫時亦升上第5位。賽後夏志明表示相當開心,更笑言要贏得聯賽神射手需要靠領隊貝可泓!
「子彈」今季首次連中三元,賽後他表示感到開心及有運:「有2球單刀射失咗,不過有時容易入嘅波反而入唔到,但好多人喺前面嘅波又入到,依個就係足球,令所有人都會意想不到同難以預測。」他認為球隊今季雖然多仗未能取勝,但球員場上一直竭盡全力,今仗再次全取3分絕對是應得,希望餘下賽事能夠繼續發揮這份正氣精神。
「子彈」今季聯賽已射入10球,射手榜上已追平傑志前鋒丹恩奴域,他笑言要贏得聯賽神射手需要靠領隊貝可泓:「睇吓『貝sir』畀唔畀我踢啦,佢之前仲話如果做到神射手,就會買對波砵畀我添!但最主要都係希望球隊多啲贏波。」
另外香港隊即將出戰世界盃外圍賽,港隊主師麥柏倫當然亦有入場觀戰,「子彈」指這名芬蘭籍教練每場亦會觀戰,希望自己「岩佢用」,能夠有機會代表香港隊出戰。