終極臥底?車路士晉級最開心竟然係佢!

20210506
東網電視
更多新聞短片
美職開鑼,即上《美職刨績王》:https://win.on.cc/football/league/mls/index.html 
皇家馬德里喪師史丹福橋球場出局,最冇面可能係比利時中場夏薩特,呢位曾經效力車路士7年嘅球星,2年前為實現「兒時夢想」轉投皇馬,可惜去到西甲後表現差勁,今場倒戈車路士更加冇腳好波,連累球隊出局。勢估唔到,完場後笑得最開心嘅,竟然就係夏薩特,佢同車路士球員細聲講大聲笑,唔講以為佢仲係車路士球員添呀!
夏薩特今場正選上陣踢咗89分鐘先被換走,但整場表現碌碌無為,點知完場之後,夏薩特就走返入球場內同艾度亞文迪以及舊隊友葛特蘇馬傾偈,兩人仲玩到開懷大笑,直播片段出街後自然受到一眾皇馬球迷炮轟,鬧佢對自己同球隊嘅表現毫無羞恥之心,完全唔當歐聯出局係一回事。
皇馬教練施丹賽後亦維護夏薩特嘅表現:「夏薩特需要一連串嘅比賽,佢要不斷比賽去回復信心,呢場4強大戰派得佢哋(夏薩特、沙治奧拉莫斯),即係代表佢哋已經預備好。我哋距離決賽只係差一步,我以皇馬球員為榮。」