阿仙奴絕地大反擊 再鬥維拉利爾焗攻

2021年05月06日 17:00
東網電視
更多新聞短片
今晚歐霸4強次回合生死戰,阿仙奴返主場再鬥「黃色潛艇」維拉利爾。首回合落後1比2嘅阿仙奴,單計實力仍在維拉利爾之上,為收復失地一定狂攻,不過「黃色潛艇」擅長打反擊,而且「歐霸專家」艾美利對舊東家瞭如指掌,挾歐霸8連捷之勢冇有怕,2.5球入球大乃不二之選。(myTV Gold 303、Now 643、有線656及616台周五凌晨3時直播)
阿仙奴首回合輸1比2,仲有中場丹尼施巴路斯要坐波監,今場形勢使然焗住搶攻。好彩多位攻擊好手已可隨時候命,病愈嘅隊長奧巴美揚啱啱喺聯賽正選上陣轟入靚波,重拾信心,配合尼高拉斯比比、布卡約沙卡及馬田奧迪加特等前線猛將,進攻火力唔使懷疑。
睇番阿仙奴今屆出戰歐霸火力可靠,13場賽事合共轟入33粒,但當中只有3場冇失波,13場當中有10次總入球開3球或以上,明顯重攻輕守。而且佢哋經常喺形勢唔錯下,後防忽然「自爆」輸大意波,搞到陷於苦戰,呢點令主帥阿迪達非常頭痛,加上想晉級決賽一定要爭取到入波,必定豁出去狂攻。
「黃潛」信心爆棚唔會縮
「黃色潛艇」喺「歐霸專家」艾美利領軍下,近8仗歐霸盃全勝,單計作客亦4連捷,信心爆棚。雖有中場伊天卡普爾要停賽,但仍有悍將高基連倒戈,而且兩大前鋒謝拉特摩蘭奴同柏高艾卡沙,喺今屆歐霸已各入6粒,仲有卓禾斯等高速球員,面對空群而出嘅阿仙奴,實有大把空間打反擊。艾美利深明領先一粒唔穩陣,今仗未必會太過被動死守,必趁機拮多幾粒,預計會合演入球騷,大盤不容錯過。