開始清算！5歐超聯球隊面臨禁賽2年

美職開鑼，即上《美職刨績王》：https://win.on.cc/football/league/mls/index.html　

歐超聯閃電崩潰，英超Big6及個別球隊退出後已無法運作，不過好戲在後頭，歐洲足協展開清算行動，準備向5間核心球會開刀，計有皇馬、巴塞、祖記、A米及國米，重罰佢哋禁賽2年。

《ESPN》報道，英超Big6率先退出歐超聯始創球會行列，其後馬體會同國米都宣布唔玩，各隊退出後都有同歐洲足協對話，預計將會重輕法落，只會被罰款，而唔會禁賽。

國米雖然同樣宣布退出歐超聯，但佢哋未同歐洲足協對話並達成協議，因此預計會一同受罰，至於仍留喺歐超聯嘅4隊皇馬、巴塞、祖記同A米，其中以皇馬態度最強硬，但已無法興風作浪，歐洲足協準備向佢哋進行清算。

據報道，上述5隊最高罰則係禁賽2年，不過有法律意見認為歐洲足協冇權咁做，因此可能會演變成對簿公堂。