回歸英超?熱刺被爆同干地進行接觸

20210507
東網電視
更多新聞短片
最強博彩盤路過關神器《串績王》:http://win.on.cc/football/ 
國際米蘭時隔11年後再贏意甲冠軍,不過教練干地嘅前途仍然係個問號,據意大利傳媒報道,正搵緊新領隊嘅英超勁旅熱刺,已經同干地進行初步接觸,雙方仲已經傾好會再次安排會面,呢位前車路士教頭有機會回歸英超。
同國際米蘭只剩1年多啲合約嘅干地,今季同球會、球迷以及傳媒都曾經出現磨擦,雖然國際米蘭成功封王,但干地對於長期執教仍有疑問,早前佢被問到會唔會留喺國米,干地就回應:「我哋依家慶祝先,之後再開會傾,我哋會做一個對國際米蘭最好嘅決定。」
據意大利《羅馬體育報》爆料,熱刺已經率先同干地接洽,初步意見係大家都有興趣合作,所以雙方會安排時間進行第2次會面,熱刺希望喺新球季集訓展開前落實新帥人選,佢哋之前嘅目標拿高斯文、羅渣士同坦哈格都先後拒絕加盟。