閂埋門爭冠軍？維拉申請舉行歐聯決賽

最強博彩盤路過關神器《串績王》：http://win.on.cc/football/　

今屆歐聯決賽上演「全英超對決」，曼城同車路士將會飛去土耳其伊斯坦布爾比賽，而且歐洲足協仲話打算畀兩隊各4,000張波飛，畀8,000個球迷入場睇決賽，不過喺土耳其疫情仍然不穩定下，有傳聞話決賽地點可能改番喺英國舉行，畀兩支英超球隊留番喺英國爭冠。

土耳其目前疫情係歐洲最嚴重國家之一，令歐洲足協安排球迷入場睇決賽嘅計劃受到質疑，有傳為出於安全考慮，決賽地點有可能會改去英國舉行，《天空體育》消息指阿士東維拉已申請主辦呢場歐聯王者戰，不過歐洲足協暫時未有改地點安排。

英國《每日鏡報》報道，曼城方面已表明唔會主動要求改變決賽地點，而歐洲足協喺贊助商、宣傳及場地安排等多項因素要兼顧，如果唔係必要都屬意一切按計劃進行。