歐聯獎金比較　曼城跟合約　車仔平分

曼城同車路士打入歐聯決賽，兩隊都係有錢球隊，捧盃嘅話獎金唔會少，英國《每日郵報》做咗個比較，發現曼城原來係跟合約派錢，全隊大約瓜分1500萬鎊，至於車路士就會將賽事獎金平分，總額為1100萬鎊。

曼城嘅獎金分配，原來喺簽約嗰一刻已經決定，例如奇雲迪布尼嘅合約附加條款，如果奪得歐聯冠軍可獲100萬鎊，其他次一級球員就有60萬鎊，計算所得，曼城奪冠的話，全隊獎金總額大約係1500萬鎊。

車路士嘅獎金制度就好簡單，就係攞賽事獎金畀球員平分，球會一蚊都唔使出，例如車仔打入歐聯決賽，已經有500萬鎊，決賽奪冠嘅話可再獲500萬鎊，總計係1000萬鎊，如果喺英足盃又捧盃，又可再獲100萬鎊，全隊將可平分1100萬鎊獎金，每人大約可分到50萬鎊。