歐洲足協出罰單 9間退賽歐超球會罰款1500萬歐

2021年05月08日 11:03
東網電視
更多新聞短片
(Getty Images)
最強博彩盤路過關神器《串績王》:http://win.on.cc/football/
由歐洲球壇各大豪門搞起嘅歐超聯原則上已經名存實亡,歐洲足協周六凌晨官宣對9間退賽嘅球會作出處罰,所有球會合計罰款1500萬歐元,以助歐洲國家在基層社區、兒童及青少年等足球發展。至於目前仍未退賽嘅三間球會,包括皇家馬德里、巴塞隆拿及祖雲達斯則面臨嚴重處罰,有機會被重罰禁賽兩年。
歐洲足協嘅官方聲明中表示,對9間球會包括英超BIG6即曼聯、曼城、利物浦、車路士、阿仙奴、熱刺,以及AC米蘭、國際米蘭及馬體會,作出罰款,而9間球會已達成協議共罰款1,500萬歐元,並於來季扣除收入5%,歐洲足協強調不會保留這筆錢,而會投放在社區及為青少年等嘅足球建設,如果呢啲球會將來再試圖參加未被授權嘅比賽,將會被罰1億歐,若違反承諾宣言條款,則被罰5000萬。
同時,歐洲足協亦對於三間未退出歐超聯嘅球會,將會採取行動,目前事件已交由歐洲足協紀律小組處理,據悉他們想對皇馬、巴塞及祖記處以嚴重處罰,禁止他們參加歐洲賽事兩年。