阿古路發波瘟　哥迪奧拿咁回應

最強博彩盤路過關神器《串績王》：http://win.on.cc/football/　

曼城喺周日(9日)凌晨英超，原本好有機會擊敗車路士，但因為阿古路玩嘢「chip射」12碼宴客，未能將紀錄拉開至2比0，最後更倒輸1比2，未能提早捧盃。賽後曼城領隊哥迪奧拿「冷處理」阿古路事件，反而指史達寧遭侵犯，但球證冇吹12碼，先至係輸波關鍵。

哥迪奧拿被記者問到阿古路射失12碼一事時，佢話：「主射12碼嘅球員有權決定射門方式，我冇嘢要補充，只要下次努力射入就可以。」不過，哥帥好不滿臨完場前，球證漏吹12碼：「史達寧被對手撞跌，明顯應該判12碼，我唔知點解VAR冇反應，只有球證自己先至知道原因，呢啲就係足球。」

賽後阿古路亦知衰，喺社交網發文向球隊上下及球迷道歉，承認自己「chip射」係非常錯誤嘅決定，要負上全部責任。

雖然曼城輸波，但只要下場作客擊敗紐卡素，仍然可以提早捧盃，甚至乎如果第2位嘅曼聯周日(9日)晚作客輸畀阿士東維拉，曼城都可以穩奪冠軍。