【官宣】尼馬續約4年　但慘遭減薪

足球博彩神器，每日重心提供盡在《彩報》：http://win.on.cc/football/　

法甲豪門巴黎聖日耳門(PSG)正式宣布，同巴西球星尼馬續約4年，直至2025年6月，最令人意外係呢位29歲前鋒續約後，唔止未能獲得加薪，仲要由原本3,600萬歐元年薪，減至3,000萬歐元年薪，換每年少咗600萬歐元(約5,700萬港元)收入。

巴黎聖日耳門同尼馬續約一事已經纏繞多時，曾經一度傳出呢位巴西國腳想重投巴塞隆拿，但最終都係選擇續約留隊，相信係由於巴塞隆拿受疫情嚴重打擊，難以向佢提供高薪合約。

事實上，PSG都受到疫情影響，所以向尼馬開出嘅新合約，都要縮皮。不過，3,000萬歐元年薪已經屬於當今球壇頂級薪酬，如果尼馬轉會，根本搵唔到呢份人工，所以即使要減人工續約，仍然係最好選擇。

西班牙傳媒指，巴塞隆拿對於尼馬選擇續約，感到失望，因為會方1個月前同佢傾咗成日，佢當時仲話想重返巴塞，但最終卻同PSG續約，巴塞方面認為自己被尼馬利用咗，成為佢同PSG傾續約嘅「籌碼」。