港超聯　養傷多時復出　中村祐人：多謝老婆

自今年3月21日理文0比0賽和標準流浪，後備入替了10數分鐘後，中村祐人便一直因傷缺陣，直到周日(9日)對晉峰，下半場中段入替亞哥斯達，才得以再一次與隊友們並肩作戰。對此，中村祐人表示非常開心，並同感激太太在他這段難熬的日子，一直陪伴左右。

「我梗係開心啦！個幾月冇比過賽，但我一啲都唔緊張，因我有一班非常值得信賴嘅隊友。加想可以一齊感受4比0贏波嘅喜悅，我真係好開心！」Yuto笑說。

一向與太太十分甜蜜的中村，不忘伺機感謝對方：「呢兩個月入面，由我受傷開始，到慢慢康復，再開始練番波，到可以上陣，好感謝太太佢任何時候都喺身邊支持我、照顧我，同埋鼓勵我。我可以重返球場，佢嘅功勞真係好大。」再次證實中村都是「手段哥」一名。

「我嘅傷勢其實仲未100%康復，我會努力咁去令自己快啲好番晒，然後畀球迷朋友見到交出100%表現嘅我，多謝咁多一直嘅關心同支持。」Yuto謂。