曼聯鎖定歐聯資格　馬古尼或無緣歐霸決賽

足球博彩神器，每日重心提供盡在《彩報》：http://win.on.cc/football/　

曼聯周日(9日)作客反勝阿士東維拉，韋斯咸之後上陣就主場0比1不敵愛華頓，呢個戰果令「紅魔鬼」數字上鎖定前4位置，落實拎到下季歐聯參賽資格。不過曼聯今場亦付出沉重代價，中堅哈利馬古尼比賽尾段傷出，領隊蘇斯克查證實佢可能要休息「數星期」，歐霸盃決賽上陣成疑。

哈利馬古尼自2019年夏天加盟曼聯後，每場聯賽都踢足90分鐘，但呢個紀錄去到今場斷纜，呢位英格蘭中堅喺78分鐘同維拉嘅安華艾加斯相撞後，左腳足踝受傷要退下火線，離開球場嗰陣更被見到要着保護靴，似乎傷勢唔簡單。

曼聯領隊蘇斯克查賽後表示：「馬古尼足踝受傷，維拉球員壓落佢身上令佢扭傷足踝，我唔知佢傷勢有幾差，可能係幾個星期或者幾日，我唔係醫生所以唔清楚，曼聯嚟緊有場決賽，希望馬古尼趕得切可以上陣。」