意大利足總落柯打　祖記隨時被剔出意甲

足球博彩神器，每日重心提供盡在《彩報》：http://win.on.cc/football/　

歐超聯原則上已經名存實亡，但意甲勁旅祖雲達斯一直都沒有宣布退賽，意大利足總主席加維拿日前接受訪問時話如果祖記繼續參與歐超聯嘅項目，佢哋將會被踢出來季意甲。

目前，祖雲達斯與皇馬及巴塞同一陣線，仍然未退出歐超聯嘅組織，而加維拿接受一間電視台訪問時:「如果註冊意甲新賽季嘅比賽時，佢哋仲未退出歐超聯，佢哋將被剔除，無法參加下季賽事。」

加維拿話尼個係按照一個規則，喺意大利奧委會及足總嘅章程裡面寫住，如果祖記唔接受規都無辦法。如果真係踢唔到意甲，祖記都幾大鑊，其實早前有消息話歐洲足協將會對祖記、皇馬及巴塞作出嚴厲嘅處罰，禁止佢哋踢歐洲賽事2年，如果連意甲都無得踢，呢間球會就真係玩完。