歐聯決賽或再轉地方　歐洲足協有Plan B

足球博彩神器，每日重心提供盡在《彩報》：http://win.on.cc/football/　

歐聯決賽邊到踢仲未有定案！據消息指英國同歐洲足協周一未能達成協議，5月29日嘅歐聯決賽如果無法移到溫布萊球場舉行，葡萄牙將會作後備。

由於土耳其列英國為疫情紅色名單，令伊斯坦堡連續兩年無緣舉辦歐聯決賽，而英政府與歐洲足協早前已商討移去溫布萊球場，但雙方因部份入境規條未達成協議。歐洲足協已經諗定Plan B，如果最終英國搞唔掂，就考慮改喺葡萄牙上演。

葡萄牙被英國列入12個低風險地區嘅「綠色名單」，由下周一起從呢個地區入境英國無需隔離，但葡萄牙必須解除目前對英國遊客嘅封鎖。歐聯決賽將會由曼城對車路士。