阿仙奴大清洗 10年功臣被掛牌出售

20210511
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
阿仙奴上星期喺歐霸盃出局後,來季幾乎肯定冇份踢歐洲賽事,今個夏天密謀「大換血」,英國《每日星報》指阿仙奴將會踢走多位球員套現,其中效力球會長達10年嘅右閘比利連最受注目,據報巴黎聖日耳門同AC米蘭都想收購呢位西班牙球星。
經歷戰績慘淡一季,阿仙奴大地震在所難免,球隊亦計劃清走多位球員,依家被外借嘅哥拉辛拿斯、盧卡斯托拉拿、美蘭尼爾斯、祖爾韋洛克同古安杜斯都會被賣走,馬田奧迪加特同丹尼施巴路斯兩位借用球員亦會返去皇家馬德里,另外尼基迪亞同比利連都會待價而沽。
26歲嘅比利連喺2011年加盟阿仙奴青年軍,至少已效力球隊10年,消息指佢希望尋求新挑戰,而阿仙奴亦樂意將佢放走,轉會費約3,500萬英鎊,據報巴黎聖日耳門一直對比利連好有興趣,AC米蘭亦都虎視眈眈。