夏維斯「唔知踢咩位置」　一樣享受新角色

美職開鑼，即上《美職刨績王》：https://win.on.cc/football/league/mls/index.html　

車路士季前用7,100萬鎊天價收購德國國腳夏維斯，上半季表現令人覺得佢係「水貨」，但自從杜曹上任之後，夏維斯出任一個類似「假9號」嘅角色，表現如魚得水，證明車路士冇入錯貨！夏維斯日前接受官網訪問，表示已搵到自己最佳位置，呢個位置就係「我都唔知咩位置」！

踢過中場、右翼、攻擊中場同前鋒等位置嘅夏維斯，「周身刀」之餘一直搵唔到明確定位，不過近期佢固定以10號至9號之間嘅角色出現，表現大獲好評，夏維斯表示：「老實講，我都唔知自己係咩位置！總之就係喺鋒線，介乎10號同9號之間，但我真係唔係100%清楚呢個係咩位置。」

雖然夏維斯位置未明，但佢就非常享受呢個角色：「我嘅感覺好好，身邊有好多高速前鋒，我可以喺禁區內製造威脅，又可以成日用波，所以我好享受依家嘅角色。第1季踢英超總係困難，但我會愈嚟愈好，最重要係球隊有好成績，呢樣比起我個人表現更加重要。」