車仔主場撼「廠」 睇杜曹點變法

20210512
東網電視
更多新聞短片
足球博彩神器,每日重心提供盡在《彩報》:http://win.on.cc/football/
英超今晚上演「倫敦打吡」,車路士於主場鬥阿仙奴。車路士正向英足盃、歐聯「雙冠王」進發,聯賽亦要為保前4而戰,考慮到3日後要同李斯特城決戰英足盃,領隊杜曹肯定使出「看家本領」傳控踢法,務求穩中求勝,繼續追2.5球入球細嚟玩。(Now 621及611周四凌晨3時15分直播)
車路士要兼顧英超、英足盃同歐聯3條戰線,上周聯賽反勝曼城2比1雖然相當精彩,但耗力實在太多,今個星期六又要再同李斯特城爭英足盃冠軍,對球員嘅體能及心理都係一次極大考驗。
領隊杜曹呢半季最成功之處,係確立咗自己一套戰術,佢明知要趕住交出成績,「朝令夕改」對球員適應會有好大阻滯,所以呢半季球員主要踢好傳控戰術,眾將一落場就可以「自動波」,唔使夾得太辛苦,球員輪換亦只係「位換位」,盡量採取控球在腳及緊密防守,即使輪換都唔影響整體發揮,就算前鋒迪姆華拿經常錯失入球良機,但能夠令球員保留體力下穩中求勝,已經非常成功。
車路士表現一直好穩定,尤其主場防守力驚人,近11場主場有10次保持不失,當中10場總入球開2球或以下,可見球隊喺杜曹領軍下防守效率一流,門將艾度亞文迪及後衞艾斯派古達合作嘅防線,亦值得一讚。
兵工廠作客頂得兩嘴
阿仙奴今季表現不穩,歐霸盃4強出局令士氣受挫,上輪主場雖以3比1輕取西布朗,但車路士級數遠勝西布朗,阿仙奴要撕破鋼鐵防線難度極高,慶幸「兵工廠」作客表現尚算合格,對上4場作客3場保持不失,今場「倫敦打吡」預計會求穩陣,唔會有太多攻門鏡頭,中位數2.5球入球細值博。